CCFC - Canada Chin Christian Fellowship nih kum (2) voikhat kan tuah tawn mi CCFC Civui cu ni kum 2020 ah khan Winnipeg, Manitoba province ah Manitoba Chin Christian Fellowship (MCCF) nih dawn piak ding in timh tuahnak rak ngeih asinain kan vulei pumpi ah Coronavirus tlangrai achuah ruang ah tuah kho loin kan rak um. Asinain July 2021 ah tuah ding in timhlamhnak ngeih tthan arak si nain tu kum 2021 zong hi Covid tlangrai boruak hi chim chung awk atthat lo caah CCFC Civui - 2021 cu tuah rih lo ding in nihin June 20, 2021 CCFC Board of Directors meeting nih biachahnak an tuah. Cucaah CCFC civui 2021 cu tuah asi lai lo. Asinain kum vui 2022 khi cu tlangrai boruak hi adai cang lai i normal asi tthan kho cang lai tiah zumhnak kan ngeih caah hmai kum CCFC civui tuah ding cu kan ram tukum sining boruak zoh in CCFC Board of Directors nih kum dih hlan ah meeting an tuah lai i tuah khawh ding le tuah khawh lo ding kong cu thawng kan thanh tthan te lai. Bawipa sin ah thlacam ko hna usih. June 20,...

Canada ram chung khuasa, CCFC chungtel Chin Khrifa buu kip nih atulio kan Kawlram ah ralhrang ralkap uknak chuh ruang ah harnak atong mi hna caah bomhnak kan ti khawh tawk in pek cio asi. Abikin kan Chin ram chung ah cozah riantuantu hna nih ralkap uknak tang ah cozah kan rian kan tuan kho loin ti in an rian an dinh tak tikah hlawh hmu ti loin an um caah anmah pawl bomhchanhnak caah ramkip khuasa Chin miphun hna nih ti khawh tawk chuah cio asi. Pumpak in siseh, Khrifa buu min in siseh, Community dirhmun zong in siseh alamkip in bomh chanhnak tuah cio asi. CCFC chungtel hi Canada ram chung dihlak in Khrifa buu (12) kan si i avoikhatnak CDM bomhnak cu kan kuat ve cang. Atu hi avoihnihnak CDM Relief Fund kan thawh tthan lio asi. May thla chung ah kuat khawh ding in kan i zuam. Pumpak in siseh, CCFC chungtel asi lo nain hi CDM caah thawh kan duh ve ko atimi Khrifa buu dang nan um ahcun CCFC Executive Body riantuantu pakhat khat sin paoh ah pehtlaihnak tuah in pek khawh asi. CDM Relief Fund...

Atulio kan vulei cu Coronavirus zawtnak nih tilian bang ram 200 tluk cu akan khuh cang tikah zei can dah innleng hmanh chuak ngam loin kan um lai ti zong theih asi cio ti lo. Ramkip innka an khar i sianginn le biakinn in mipi tonnak hmun pawl paoh khar dih lio asi. An tuaknak ah tukum hi cu zei hmanh țuah awk ațha rih lai lo i abik in mipi tonnak hmun pawl hi cu hi hnu atlawm bik thla 3-4 tiang khi cu ahim rih lai lo tiin an ruah. Cucaah tu zing kha OB pawl online meeting kan tuah i tukum "2020 CCFC Civui" cu tuah loin hmai kum tu ah tuah ding in thawn si ko seh tiah biachahnak kan ngei timi thawng ka vun in thanh hna. CCFC Civui tuahnak ding caah hlan mi Providence College zong nih khan July ahcun nan tuah lo ah ațha an kan ti pin ah, khi tiang khi anmah zong mipi tonnak le event an ngeih ding mi vialte an phih chung ve. Cucaah hmai kum tu ah atanglei bantuk ni le caan ah hin kan tuah țhan khawh nak lai thlacam nak he timhtuahnak ngei ko hna usih. July 2, 2021  - ...

Nizan tih-ni ah kan cozah nih an thanh mi Covid-19 ruang ah cozah bomhnak sawk timi kha asawk ning thiam lomi le zeitin dah asi ti afiang lomi kan tampi caah direct in sawknak atang ah kan chiah piak hna. HIKA zong ah hin click uh law fiangtein an țial. Cun hi bomhnak hi April in thok asi lai ati. Cun nanmah le nan local cio ah Service Canada aum dih ko i zung an khar sual hmanh ah YMCA le Multiculture ah fiang deuh hal khawh cio an si fawn. Atang ah 1-2-3 in ka chiah mi hi hmet law direct sawknak ca pawl an lang lai. 1 nak hi zei bantuk asawk ding dirhmun dah na si timi nai zoh khawh. 2 nak hi Covid-19 kong ah kan cozah nih update an vun tuah mi le mipi nih theih ahau mi asi. 3 nak cu bomhnak soknak application form asi.  Cozah zung ah telephone in hal aduh mi nih atang Toll Free Number ah hin chonh asi lai. Toll Free Phone Number:   1833-381-2725 1. Check whether you qualify 2. Read Covid-19 Update 3. Start Application Ramleng Ummi Canadian Caah  Cun...

Canada um Chin mipi hna :: COVID-19 ruangah nan lungre a thei pah cio ko lai. Zawtnak ruangah rian tampi khar asi. Damlonak cu um rih seh, kan khuasak tuntuk a hun hnursuan cuahmah cio cang. Pathian nih kan cozah hmangin chanchuahtu le khuakhangtu kan ngei ko da hawh. Lungrethei tuk in um lo in amah Pathian tu i bochan ko hna usih. Nizan March 18 ah kan PM Trudeau nih COVID-19 harsatnak chungin mipi chanchuahnak caah Cozah nih $82 billion hman dingin khua an khan cang ko. $27 billions in rianttuantu ( Workers) le rianngeitu ( Business) bawmhnak ah a hman lai. $55 billions hi cozah tax kan pekmi awlhnak le hnu deuh pek te dingin le, business le sipuaizi a tlak lonak caah hman a timh. “Canada mi a hohmanh nih inn men pek le eidin cawknak kongah lungretheih lo ding asi lai. Cu ruangah cozah nih COVID-19 nih a chuahpi mi harsatnak le ram sipuaizi a tlak lonak caah hma fakpi in kan lak hi asi. Cozah le mipi ttangin hi harsatnak chungin kan chuak ko lai," tiah Prime Minister Trude...