CCFC Hruaitu upa hna,
Kan mino hna caah tuah kan i timh mi Youth Camp tuah ding caan cu zarh 2 hmanh aduh ti lo. Camp luh ni kha Aug 24 (Saturday) in asi i Aug 30 (Friday) kha camp in chuah ni asi lai. Aug 30 ni khi zinglei 11:00AM hlan ah nan chuak dih lai an ti. Midang group arak lut colh ding an um ve caah asi.
1. - August 24, 2019 (Camp Luh Ni)
- Aug 30, 2019 (Camp in Chuah Ni )
Zan 6 chung ( 6 nights ) hman asi lai i rawl kha voi 18 dangh asi lai, Cun minung pakhat ah $230 kha mah le khua cio in ratpi tu upabik sin ah ap uh law amah nih vun ken piak dih ah attha cem. Cun puan kha blanket pi khi ken ahau lo, afa nawn te vanlawng cung ah vun i eih pah khawh mi tluk khi pakhat cio vun i ken ahcun atha. Towel ngan nawn, i vorh khawh chih ding hrawng asi zong ah atha ko. Aherh sual ah ti bia asi. Camper kha 130 aum. Sport tuahnak ding hmun cu atam ngai. Camp kan riahnak in meng khat ahlatnak ah tikulh (island) pakhat aum i cu ka ahcun zankhat zapi in va riah asi fawn lai. Detail in zoh aduh mi nih CCFC Website ah hin kan rak thanh cia mi pawl pawl ah rak zoh khawh lengmang asi.
2. Youth Camp ah akan cawnpiak kho tu ding pawl:
- Rev. Dr. Chan Thawng Lian (Psychology)
- Rev. Lawm Cung Nung (Inspiration)
- Pu Thanga (Praise & Worship)
- Pu Muanpuia (Music & Dance Instructor)
- Dr. Ben Peltz (Main Facilitator for all issues)
- Dr. Gladys (Metal Health & Suicidal Issues)
3. CCFC OB & Pastors ara kho mi paoh nih thlacamnak in țanpi asi te lai.
4. Chungkhar in siseh , pumpak in siseh ara duh mi paoh cu rat khawh asi ko.
5. Nu Bu lei upa zong ra kho hram uh law kan i lawm tuk ko hnga.
6. Province dang in ara mi paoh kha Kitchener nih an in dawn te hna lai i Kitchener in Great Canadian Coaching Bus pa 2 in hmun khat ah chuah ți asi te lai. Regina in ara mi kan fale kha cu, Toronto Pearson Airport ah Coaching Bus nih vun lak pah an si te lai.
Caan karlak ah aherh mi dangdang aum sual ahcun CCFC Viber Group ah khan kan vun in thanh tthan te hna lai. Cun umkalnak address athei lomi nih hal nan si cio sual ahcun CCFC Website ah hin tling tein aum timi kha rak philh hlah uh.
CCFC
Comments
Post a Comment